உனக்காக

வேண்டும் தெய்வம்

வெவ்வேறாயினும்,

வேண்டுவதெல்லாம்

உன்னை மட்டுமே….

—-

நான் செய்யும் எதுவும்

உனக்காக,

நகம் வெட்டுவது உட்பட….

—-

ஆயிரம் இருக்கலாம்

உறவாய் உனக்கு….

ஆயினும் உயிராய்

நீ மட்டும் எனக்கு….

—-

எனை சுற்றி சூழ்ந்திருக்கிறாய்

பிரபஞ்சம் நிரப்பும்

காற்றைப் போல….

ஒவ்வொரு நொடியும் உணர்கிறேன்

உன் இருத்தலை

சுவாசம் போல….

—-

உன்னாலேயே
என் பொறாமை தீ
எல்லைமீறி எரிகிறது….
நீ இதழ் பதிக்கும்
நீர் குவளைமீது கூட….